كمل مشوارك.MP3
introduction :
التراك ده لكل الناس اللي بدأت تيأس من المطالبة بحقهم، وحق الشهداء، وده تحت مسمي مفيش فايدة.
Verse 1 :
ندائي لكل شخص يائس محبط من القضية لكل شخص إتعذب وإتسجن لأجل الحرية لكل شاب محبط من إللي بيحصل في البلد دية من قتل حبس دمار وظلم وسحل من الداخلية بدأت طريق حريتك يوم خمسة وعشرين في شهر يناير بالتحديد من خمس سنين نسيت الشهيد إللي ضحي عشان نعيش مكرمين نسيت إللي إتسحل قدامك عشان نكون محررين وصاحبك اللي أنت وعدته إنك تقف في ضهره لو مات أو إعتقل أنت إللي هتجيب حقه أوعوا تنسوا المدرعات إللي داست أخواتنا في كل مكان إوعو تنسوا أخويا إللي مات محروق في الميدان لو نسيتوا أنا مش هنسى صاحبي إللي كان كتفي في كتفه مش هنسى أبدًا إيتسامته وهو ملفوف في كفنه ياسك دا خيانه وعار عليك تفرق ايه عن نظام بيقتل وبينهب فيك
Verse 2 :
إياك تيأس مهما الظلم زاد كمل مشوارك ده عشان صاحبك اللي مات في الميدان علشان الحق يبان كمل مشوارك الحق هيرجع مهما كان
أنت الحر إللي رافض إنك تعيش زي العبيد أنت إللي رافض الذُل مهما بطشهم
يزيد أنت إللي صابر أنت إللي مكمل مهما كان أنت شرارة النور في وسط عتمة كل ظلام أصرخ بأعلى صوتك وعلي الهتاف عرفهم إن صاحب الحق عمره في يوم ما خاف يا كل مناضل
لسه مكمل عشان صحابوا المعتقلين أصبر كمان الحق بكره تشوفه كل عين مهما عتموا ومهما
بنوا ألف سور إثبت مكانك وإهتف بأعلي صوت وثور علي الظلم والطغيان ولما نظامهم
ده يغور وفي نهاية المطاف الحق منتصر على الباطل النصر صبر ساعه إثبت مكانك ناضل
عِش مجاهد في الحياة تموت شهيدًا عش من أجل الحق وأصنع فجرًا جديدًا
Conclusion :
وفي الآخر كده، بقول لكل الناس اللي بدأ يصبها الاحباط، كملوا، و إوعوا تيأسوا، إنما النصر صبر ساعة، كمل عشان أخوك إللي في المعتقل، كمل عشان صاحبك إللي أستشهد، و أوعى كلامهم يحبطك ويكتفك، أنت صاحب قضيه ومبدأ، و إوعي تتنازل عن الحق مهما كان، وفي الآخر الظالمين بإذن الله إلى هلاك، والحق هيرجع لأصحابه، دمتم أحرار.
